الأحد، 28 نوفمبر، 2010

هى سمية عملت ايه؟؟؟






هى سمية عملت ايه؟؟

علشان تنهان كده عليه

داخلة الجامعة لابسة خمارها

ساتر جسمها حامى وقارها

يمكن هى ده بقى غلطتها!!!!

لو كانت قطعت بلوزتها

أو شالت يجى نص جيبتها

كات زمانها فى محاضرتها

والكل وسع ليها جنبيه

شفتوا أدبها نفعها بايه ؟

لو كانت شعرها منكوش !

ولابسه لبس ما نشفهوش!

كات دخلت من غير كارنيه

لكن خمارها اخص عليه

حافظ جسمها ع الناس ليه ؟

مالهاش حق يا ناس إخيه

***********************






هناك 19 تعليقًا:

  1. و الله انت استاذة نقد ساخر
    هم يبكي و هم يضحك
    تسلك ايدك

    ردحذف
  2. يوميات شحات
    السلام عليكم ورحمة الله وبركاته
    اسعدنى مروك
    دمت بخير

    ردحذف
  3. منى ابو السعود
    السلام عليكم ورحمة الله وبركاته
    استاذة مين بس ؟
    ايه الكلام الكبير ده
    شكرا لمروك يا منى دمتى بكل خير

    ردحذف
  4. اييييييييييه يا وايزى

    فكرتينى بأيام شبابى

    أيام ما كنت قدك كده ومش عاجبنى العجب

    بكره يا بنتى ترضى بالأمر الواقع او بمعنى أدق (ترضخى)

    وده ميمنعش بحكم سنى انى اقولك انك أبدعنى يا وايزتى

    سلام يا قمر

    ردحذف
  5. السلام عليكم ورحمة الله وبركاته
    يا بنتى
    وقدى
    الكلام مش منطقى خااااااالص
    على اساس ان السن بيرجع لورا يا طانت مها
    ههههههههههه
    وبحكم سنك كمان لالالا كده كتير
    ربنا يبارك لك فى عمرك ويجمعنا دايما على كل خير
    ربنا ما يكتبش علينا اننا نرضخ ابدا ويصلح لنا الحال

    سلااااااااااام يأغلى اخت

    ردحذف
  6. جميله مدونتك و راقيه تأثرت جداً بجملة(شوفتوا أدبها نفعها بايه؟) سؤال أسأله كثيراً في هذا الزمن
    تحياتي لك و متابعاك ان شاء الله

    ردحذف
  7. جامدة ياوايز
    واحشانى والله

    ردحذف
  8. شيرين سامى السلام عليكم ورحمة الله وبركاته
    نورتى مدونتى المتواضعة
    نفس السؤال بيلح علينا كلنا بس اكيد
    ان الله لايضيع اجر من احسن عملا
    يعنى اكيد الادب هينفعها ان ماكانش فى الدنيا فاكيد فى الاخرة وده الاهم
    سعيدة جدا بمتابعتك
    دمتى بكل خير

    ردحذف
  9. Noha saleh
    السلام عليكم ورحمة الله وبركاته
    انتى كمان وحشانى كتير
    يارب دايما تكونى بخير
    وانتهز الفرصه هنا واهنيكى على بوستك الاخير اكثر من رائع
    اتمنى لك المزيد من التوفيق ان شا ءالله

    ردحذف
  10. الغريبة ان فعلا لو بنت ماشية بنص هدوم والا حتي من غير هدوم مش هيعملوا معاها ده ...
    والله انا بشوف بنات ف الجامعة عندنا حاجة في قمة ال...مش لاقية كلمة مناسبة اقولها بجد بس معرفش ازاي يسمحوا لهم يدخلوا باللبس الوقح ده وازاي اهلهم سمحوا لهم يخرجوا باللبس ده
    اما الحجاب والنقاب فبالنسبة لهم شيء تافه ومش مهم وبيئة وكمان مهين ليها ولأنوثتها
    تقبلي مروري

    ردحذف
  11. الحجاب ده عامل زى الغلاف الميله الى يليق بجوهر وكل ماكانت الجوهره غاليه كل ماكان اصحابها عاوزين يحفظوها ويخبوها اكتر لاحسن حد يستحقها والبنت اغلى جوهره واحلى مافى البنت المسلمه لازم يكون حاجبها حتى تكون قدوه لغيرها

    ربنا يسعدك وموضوع جميل

    ردحذف
  12. رحاب صالح السلام عليكم ورحمة الله وبركاته
    اسعدتى مرورك على مدونتى
    واسعدنى اكتر نقاشك
    اصعب شىء ان الصح بقى هو الغريب المستنكر دلوقت
    وان المعايير تكون معكوسه بالشكل ده
    ربنا يثبتنا ويرضنا عنا

    ردحذف
  13. بنت الاسلام السلام عليكم ورحمة الله وبركاته
    اعجبنى جدا تشبيهك ووصفك
    والحمد لله دينا عمره ما شرع حاجة الا لو لها فضل وعمره ماحرم حاجة الا لدرء ضرر
    اللهم ثبتنا وتوفنا مسلمين
    اسعدنى مرورك
    ودمتى بخير

    ردحذف
  14. والله كلام في الصميم حببتي ربنا يديم علينا الستر و برده مع كل اللي حاصل في الاخير لا يصح الا الصحيح حببتي ماتبخليش عليا بزيارة في حكايات في العرسان في الف خيبة و خيبة
    اضمنلك الاستمتاع
    http://1000khybawkhyba.blogspot.com

    ردحذف
  15. مخبوطازاد
    اهلا وسهلا بك منورة المدونة
    وربنا يديم علينا جميعا الستر
    دمتى بخير

    ردحذف
  16. صدقتي !

    بوست في الصميم !

    ارق تحياتي

    ردحذف
  17. الغاردينيا
    مرورك اسعدنى
    دمتى بخير

    ردحذف
  18. .انضم إلى eToro وقُد ثورة التكنولوجيا المالية

    اكتشف eToro شبكة التداول الاجتماعي الرائدة في العالم حيث يحقق ملايين المستخدمين أرباحًا عن طريق نسخ تصرفات التداول التي يقوم بها أفضل المتداولين.

    ردحذف