الأحد، 28 نوفمبر 2010

هى سمية عملت ايه؟؟؟






هى سمية عملت ايه؟؟

علشان تنهان كده عليه

داخلة الجامعة لابسة خمارها

ساتر جسمها حامى وقارها

يمكن هى ده بقى غلطتها!!!!

لو كانت قطعت بلوزتها

أو شالت يجى نص جيبتها

كات زمانها فى محاضرتها

والكل وسع ليها جنبيه

شفتوا أدبها نفعها بايه ؟

لو كانت شعرها منكوش !

ولابسه لبس ما نشفهوش!

كات دخلت من غير كارنيه

لكن خمارها اخص عليه

حافظ جسمها ع الناس ليه ؟

مالهاش حق يا ناس إخيه

***********************