الخميس، 18 نوفمبر 2010

الواسطة


قالوا لنا خلصوا تعليم

علشان تبقوا بنى ادميين

قلنا لهم هو التعليم هيخلينا بنى آدميييييين

قالوا طبعا.. آمال مين ؟

بشهادتك تفتح لك بيت

ولا نويت تفلح فى الغيط

هزينا رأسنا قلنا وماله

ما هوأهلنا قبلنا ياما قالوا

بالتعليم نضمن لاولادنا مستقبل ولا يعلى عليه

وكبرنا وعلى ده اتربينا

جمعنا شهادات عبينا

وقمنا ندورعلى اشغال
بصيت على اعلان لوظيفة

ادى وظيفه وطالبه شهادة

اقل م اللى معايا بزيادة

وانا شهاداتى عال العال

وطلعت وانا راسم نفسى

حاطط القاب تسبق اسمى

بص لى موظف كان شغال

كمل بياناتك فى الحال

هو سعادتك ابن فلان

أو تقرب ل للواء علان

هزيت رأسى وكلى أسف

اصلى أبويا راجل غلبان

لقبه الوحيد انه انسان

وفى ثانيه لقيت ورقى فى يدى

شوف لك وظيفه تانيه ياسيدى

ازاى بس؟؟

انا جايب تقدير ممتاز

ومعايا درجه استاذ

هز لى راسه باستفزاز

الشغل ده ل ولاد الناس

وما يفرقش معانا تعليم

ولا شهادتك ده واخدها منين

أقول لك نصيحة يا أستاذ

فى جنبنا واحد خباز

عنده شغل لباقى الناس

هناك 16 تعليقًا:

  1. و هنا كمان اول تعليق اي خدمة
    بجد حلوة اوي بتوصف الواقع ببساطة و سخرية
    تسلم ايدك

    ردحذف
  2. شكرا على الكلام المميز

    ردحذف
  3. طرح عميق وساخر إلى حد بعيد ، يتناول قضية شائكة في كل المجتمعات العربية بلى استثناء ، والله المستعان .

    ردحذف
  4. السلام عليكم ورححمة الله وبركاته
    مش مصدقة نفسى
    منى ابو السعود معايا هنا لاول مرة على مدونة الفضفضة الساخرة
    منورة يا منى
    يشرفنى ويسعدنى ان تكونى اول رد على المدونة
    وسعيدة جدا انها عجبتك
    دمتى بكل خير

    ردحذف
  5. يوميات شحات
    السلام عليكم ورحمة الله وبركاته
    شكرا لمرورك

    ردحذف
  6. الاستاذ تركى الغامدى السلام عليكم ورحمة الله وبركاته
    الامر فعلا متفشى فى العالم كله
    شكرا لمرورك وارجو الا تكون اللهجة المصريه العاميه سببت صعوبه فى فهم بعض المعانى

    ردحذف
  7. صدقتى

    وأصبتى

    وأحزننى المعنى بين الكلمات

    برافو يا وايز

    ردحذف
  8. نشرت النهارده قصة قصيرة في مدونتي
    قوليلي رأيك

    ردحذف
  9. بجد جامدة اوى ياوايز
    الواسطة فعلا بتحرم ناس كتير عندها كفاءة علشان ناس تانية ماتستحقش

    ردحذف
  10. الواسطة
    كلمات جميلة تحمل الكثير من المعاني المعبرة عن ما وصلت اليه الكثير من مجتمعاتنا الشرقية فهي داء
    دومتي بخير

    ردحذف
  11. مها البنا السلام عليكم ورحمة الله وبركاته
    المشكله انى صدقت
    وان الموضوع تفشى جدا فينا
    اسعدنى مرورك اختى الحبيبة

    ردحذف
  12. منى ابو السعود
    السلام عليكم ورحمة الله وبركاته
    سعيدة جدا انك شاركتينى فى بوستك
    وعلى فكرةانا دخلت شفت البوست فى نفس اليوم
    وعجبنى جدا ورديت هنا فى المدونة وحاولت ارد هناك فى مدونتك
    بس نتى العزيز
    لم يسمح لى بإظهار اى رد
    الحق ارد عليكى بسرعه والنت موجود
    ربنا يجعل كلامنا خفيف عليه

    ردحذف
  13. السلام عليكم ورحمة الله وبركاته Noha Saleh
    وما اكثر من لا يستحق
    وما اكثر من يسلب حقه فى حياتنا
    اسعدنى مرورك جدا دمتى بكل خير

    ردحذف
  14. استاذ مجدى حاتم: السلام عليكم ورحمة الله وبركاته
    وياله من داء
    داء يستحق البتر والتخلص منه رغم تفشيه
    دمت بخير

    ردحذف
  15. احببت ماقرأت :)

    تحية صباحيه

    ردحذف
  16. الغاردينيا
    وصلتنى تحيتك الصباحية العطرة
    ولك منى ارق تحيه
    دمتى بخير

    ردحذف