الجمعة، 29 أكتوبر 2010

لسه ميعاد تحقيقها ما جاش


أحلامنا كتيرة وبريئة فى خيالنا من مليون ليلة
كل ما نيجى نقرب منها نلاقى السكة لسه طويلة
نجرى وراها مانلحقهاش
نمشى شويه ما نسبقهاش
ما هى أحلامنا مش شايفانا
لسه ميعاد تحقيقها ماجاش
نُصبر ونَصبر نفسينا
ودموعنا بتنادى علينا
وندارى همومنا بنفسينا
ومسير الأحلام تنعاش
ما هى دايرة ودايرين كده فيها ...
أيام بتدور ورا بعضيها
فجأة تلاقى نفسك فيها
واقف خالى من الأحساس
خايف تحلم يمكن تصحى
خايف تسرح لاهتنداس
ماهى أحلامنا لسه بعيده
لسه ميعاد تحقيقها ما جاش
نحلم ونصبر نفسينا
وفى أمانيها مابننساش
نلاقى أحلامنا مش وسطينا
لسه ميعاد تحقيقها ماجاش
عايشين دنيا مش بتاعتنا
عشان ايامنا ما تنعاش
يمكن بكرة يطل علينا
وفى ايده أملنا ما ينساش
نرجع تانى نضحك .. نفرح
والاحزان ده ما نشوفهاش
نقفل بابنا على اوهامنا
بس واقعنا ما بيسيبناش
ليل ونهار بيفكر فينا
أحلامنا بقت ذكرى خلاص
نتعلق بسراب حوالينا
نفسنا احلامنا تنعاش
ونقابل بكرة لوحدينا
وواقعنا ألمه ما يهداش
بالاحلام او من غيرها
مين من الهم ما بيخلاش
نرسم ضحكة على شفايفنا
نضحك بيها على نفسينا
ونقول بكره أكيد أحلى
لأجل نهون على بعضينا
هى حياتنا وهنعيشها
فيها أحلام أو ما فيهاش
هونها يارب علينا
وأجعلها ما تهمناش
بس الاحلام هى طريقنا
لاجل نخليها تنعاش
وباحلامنا بنلونها
بلون هادى ما يوجعناش
نرسم الفرحه على قلوبنا
لاجل الاحزان ما نشوفها
ما هى احلامنا مش شايفانا
لسه ميعاد تحقيقها ماجاش

هناك 11 تعليقًا:

  1. حلوة جدا

    ردحذف
  2. السلام عليكم ورحمة الله وبركاته

    يوميات شحات
    جزاك الله خيرا عن رايك

    ردحذف
  3. كلمات صادقة تخاطب القلب
    فما اروعها وما اصدقها
    خرجت من القلب ووصلت الي القلب
    لابد من الحلم
    والسعي لتحقيق الاحلام وهذا ما يسمي بالطموح
    والاحلام لا تنتهي
    دومتي بخير وحقق الله احلامك ان شاء الله

    ردحذف
  4. اجمل حاجة ان يكون لنا احلام عاوزين نحققها
    جميلة ياوايز
    يارب يحققلنا كل احلامنا
    وشكرا على سؤالك ربنا مايحرمنيش منك

    ردحذف
  5. جميله يا وايز

    لكن مسير اليوم يجى ونحققها

    فقد إنتظرى الموعد

    ردحذف
  6. السلام عليكم ورحمة الله وبركاته
    استاذ مجدى حاتم فعلا الاحلام لاتنتهى
    فانها المحرك الوحيد لاحتمال ضغوط الحياة المستمرة
    والاهم الا نكتفى بالاحلام وان نسعى لنجعلها حقائق
    جزاك الله كل خيرا
    ودمت بكل خير وكل عام وانت واسرتك الكريمه بخير وبافضل حال

    ردحذف
  7. السلام عليكم ورحمة الله وبركاته
    منورة البلوج كله يانهى
    وربنا يحقق لنا جميعا كل احلامنا
    واهمها هذه الاحلام وان كنت اعلم انها بعيدة المنال
    ولو انى ما فيش حاجة صعبة الايام ده
    تعرفى باحلم بايه
    باحلم ان نتى يكون شغال دايما بدون اى انقطاع
    يااااااااااا
    اما حته حلم
    تفتكرى ممكن يبقى واقع ؟؟؟؟
    ولا هيفضل فى عداد الاحلام

    ردحذف
  8. السلام عليكم ورحمة الله وبركاته
    اهلا اهلا بمها
    wise:استنى احضر لك واجب الضيافه
    حد يجيب اكبر شيكولاتة بسرعه هنا
    بتقولى ايه
    maha :مالكيش نفس
    wise:لا.. ازاى اتفضلn ده شيكولاتة لذيذة
    maha: بتقولى ايه مش بتحبيها
    طيب ما انا عارفه امال انا بعزم بقلب جامد ليه
    علشان اكلها انا
    نورتى مدونتى يامها
    واكيد الاحلام مسيرها تكون حقيقه
    بس امتى ؟؟؟؟
    لو عايزة تاريخ محدد يبقى نتقابل 30 -30 -2030
    لو عشنا وكان لنا عمر
    اسعدنى مرورك جدا وربنا ما يحرمنى منك يا اغلى اخت

    ردحذف
  9. تحياتي Wise لشخصك الكريم ... وقد سعدت بمرورك على مدونتي المتواضعة ... وهاهو مروري الأول لمتابعة نتاجك راجياً لك من الله تعالى التوفيق ... وقد أضفت مدونتي لقائمة المدونات التي يروق لي متابعتها .

    ردحذف
  10. استاذ:تركى الغامدى
    السلام عليكم ورحمة الله وبركاته
    اسعدنى مرورك اخى الكريم
    واتمنى لك كل توفيق من الله
    ويسعدنى ان تكون مدونتى من المدونات التى تتابعها
    دمت بخير

    ردحذف