الأحد، 1 أغسطس 2010

أوعى تفكر تعييى فى يوم







داخل أكشف جوه عيادة



والجيب مخروم زى العادة



وبعد مادفعت وبزيادة



حسيت بالخنقة جوايا



وقعدت فى حالى مستنى



حبة اصفر حبة اغنى



فاتت ساعة وكمان ساعة



قمت أسال خير ياجماعة



هوأنا هستنى كام ساعة



رد تمرجى لازق جنبى



مليان جيبه كده ومعبى



عادى يا بيه ماهو دافع فيزيتا انما ايه



اصله حاجز مخصوص ليه



ومستعجل للى على أيديه



ضربت أيدى كف بكف



هو الكشف كمان له صنف



هز لى راسه بضحكة لئيمة



كل حاجه وليها القيمة



مااخترتش مستعجل ليه



بصيت لعيادته المليانة



وجيوبى من الفضا تعبانة



قلت له اهو تليفون جانا



معلش تعبتك ويانا



خد كشفك ورجع ما معانا



وخرجت جري وجيبى دفيان



بلا صحة بلا شغل جنان



وان صحى واحد يوم تعبان



يعد اللى معاه وينام






هناك 7 تعليقات:

  1. وإنطلقت نورماااااااااااااااندى


    بسم الله مرسااها ومجراها


    اخيييييرا يا وايز


    والله وكبرتى وبقت ليكى مدونه

    بجد بجد فرحت

    ومتاااابعه لحد ما تزهقى

    ولما تزهقى

    بررررررضه متابعه



    يالا بقى اللى بعده

    ردحذف
  2. هههههههههههههه
    ياخوفى يا بنتى لاتبقى نورماندى 2
    وكلمة حنفى تنزل كالعادة وتغرق نورماندلى(لا قدر الله)
    ويسعدنى جدا انك تتابعى معايا بس موضوع مين اللى هيزهق ده مشكوك فيها
    المهم ان يكون نفسك طويييييييييل
    وتطولى بالك على الاخر

    ردحذف
  3. السلام عليكم ورحمة الله وبركاته
    هو ده الحال في معظم العيادات لكن في القليل كويس
    تشبيه رائع للي بيحصل دلوقتي في اماكن كتيره

    ردحذف
  4. استاذ magdy Hatem
    وعليكم السلام ورحمة الله وبركاته
    فعلا ده الحال المؤسف والمعتاد فى اغلب العيادات
    ربنا يرحمنا ويعافينا من الوقوع مع النوعية ده
    جزاك الله خيرا على متابعتك
    ومرورك الكريم

    ردحذف
  5. هذا من تجليات الانقلاب الذي حدث في القيم والمبادئ

    ردحذف
  6. rack-yourminds
    المشكله ان هو ده بقى الحال المعتاد
    ربنا يعافينا

    ردحذف
  7. السلام عليكم ورحمة الله وبركاته
    زوار مدونتى الكرام اعتذر بشده عن انقطاعى المتزايد عن حده عن المدونة وده طبعا بسبب رقى وتقدم الخدمة النتية
    ماشاء الله الخدمة فى تحسن مستمر
    اعتذر ودعواتكم لنتى تعاطفكم وحده مش كفاية

    ردحذف